Ikasketak

Borobila izan da Mariano Ferrer eta Joan Mari Torrealdaik eskaini duten hitzaldia

Imagen 046

Jon Casado, J.M Torrealdai eta M. Ferrer / N. Alonso

Eskola bikaina. Hori da, gaur, Aita Arrupeko 003 gelan Mariano Ferrer eta Joan Mari Torrealdaik eskaini duten solasaldia definitzeko era bakarra. Garaiz hasi da Asier Leoz aurkezpenekin eta labur bezain zuzen jardun da. Aski ezagunak ziren hizlariak klasean bildu diren 100 lagunentzat eta, horregatik, gela, txikia geratu da.

Aurten ikasleek osatutako Euskal Kultur Mintegiak antolatua, euskal prentsa jorratzea proposatzen zuten. Euren klase-kideek gaiari heldu diote eta, are gehiago, erantzun eredugarria eman dute gaurkoan. Ez hori bakarrik, askotan ez bezala, nabaria izan da ere irakasleen presentzia.

Gauzak horrela, hitzaldia, eskola bihurtu dute Ferrer eta Torrealdaik euren esperientziak azalduz, trantsizio garaiak gogoratuz eta azken batez, gai korapilatsua zena, era didaktikoan aurkeztu dute.

Mariano Ferrer kazetari donostiarrak euskararen egoera azaltzeko Deia egunkariko ale bat eta Diario Vasco-ko beste bat ekarri ditu. Hauen azterketa sinple bat egin du –euskaraz zegoena bilatu du- eta, ondoren, barre algarak entzun dira. Bilboko egunkariak sekzioaren izena zuen euskaraz eta Vocento taldeko gehigarriak argazki bateko komentarioa. Besterik ez. Hori euskararekiko begirunea euskal prentsan.

Torreladaik, Euskaldunon Egunkaria-ri buruz hitz egin du. Aurkezpen lineala egin du eta, hasierako arazoak abiapuntu moduan hartuta, egin zituzten berrikuntzak zerrendatu ditu: euskal prentsa irakurri nahi zuen publiko bat bilatzea, publizitatea bilatzea, politikoekin hitz egitea -Juan Mari Bandresek eginiko lana eskertu du- edota euskarazko lehen estilo liburua.

Era berean, Egunkaria hil zuten eguna gogoratu du. Proiektuaren sustatzaileak euskaltzainak, euskaltzain urgazleak, kazetariak, kultur arlokoak eta unibertsitateko irakasleak zirela gogoratu du. Horiek guztiak, susmagarriak ei dira Guardia Zibilarentzat “Espainiar Konstituzioarekin Estatua delako euskal kultura bermatzen duena”. Terrorismoa egotzita, laster, epaiketa politikoa izango dute Madrilen.

Iñaki Landa

2 comments on “Borobila izan da Mariano Ferrer eta Joan Mari Torrealdaik eskaini duten hitzaldia
  1. Pingback: Egunkariaren aldeko kontzentrazioa campusean ‹ Estudios en Comunicación

Say something

Your email address will not be published. Required fields are marked with a grey bar.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>